筆尖刻真字：台語散文集

【關於本書】

陳金順用活潑、坦白的文字，介紹伊注重的國內外創作，對歌詞、詩、散文、小說、電影的觀察佮感想，宛然一張心靈地圖，也是當代文學景色的素描。

——錢真

金順兄是tiām-tiām做代誌ê人，伊ê話干焦出現tī伊ê作品。Beh hām伊開講，上好是讀伊ê冊。恭喜金順兄koh出新冊《筆尖刻真字》！——蔣為文

伊奉行素食過活，卻是腹腸濶，助養第三世界散赤囝仔；長跑走標者，踏遍台灣各鄉里，寫地誌。伊日子起起落落，好比是一再登上「絶峰嶺」修練，再落山去行踏人生，這款連環不絶的上山落山過程也，練就陳金順悲天疼人、樂觀進取、精練處事的「絶峰嶺」哲學觀。——胡民祥

【關於作者】

陳金順，1966年出世，人間一甲子。

生活簡單，素食主義。

故鄉桃園，台南定居。

頇顢趁錢，極愛寫字。

袂曉變竅，輕薄名利。

五十外開始走標、旅行。

參加世壯運的中範選手。

意愛探訪鄉鎮自然人文。

捌佇國民學校教囡仔台語。

現此時，自由文字工作者。

多文類寫作，自認猶有無限可能性。

創作31冬，出版19本台語文學冊。