Ùi無到有ê影跡（かげあとつむぎ）

這本冊ê特色

陳金花主編《Ùi無到有的影跡》2025.12初版ISBN978-6269980062台文/日文

藍春瑞原著《無影無跡》2009初版.ISBN978-986-82469-5-8 KIP漢羅文

仁武國際讀冊會改寫《無影無跡》所拄著ê代誌；台語用漢字寫bē十全，字無夠用就造字，借音，借意，出現罕見字koh無一致性，造成讀者臆無讀無。漢學仔仙所講ê台語本字，毋知欲按怎注音對電腦揣著字？無符合科技時代電腦書寫方式。所以ài用國際化羅馬拼音。台語氣應用符號予日本讀冊伴即時知語意有區別。『好了』hó à、『好啊』hó ah！『風吹』hong~chhoe、『風箏』hong-chhoe

書寫ê特色：台語POJ這部分根據〈規範式語言學〉追求〈符號決定出聲〉，尊存〈隨前變調=〉，開拓〈主謂式~〉台文書寫鋩角。透過4抱故事kā「台文精密書寫」做kah到；「嘴講手寫」「筆尖寫嘴尖」「用我的筆寫我的話」。用白話字寫小說ê對話會當kā日常語音準確寫出來，語意明確。

日語的部分，感動日本ê台文學者小川俊和先生，感性稽考逐詞斟酌，kā規本小說改寫做日語。這本冊有厚厚的台日友好文學交流ê氣味。感謝！

向望支持阮的理念：台語和世界平徛起，「台語有聲就有字」「聲音是主角文字為聲音服務」。 勞力！感謝支持。

---陳金花，仁武國際讀冊會會長

原著藍春瑞《無影無跡》 小川俊和改寫日語《かげあとつむぎ》。這本小說分做4部描寫無仝故事。
第一部〈無影無跡〉描寫礦工ê生活。
第二部〈心結〉描寫校內人事職務kap心理ê調整。
第三部〈豬腳箍〉描寫戰後經營木材店ê故事，解釋出貪心人生的下場。
第四部〈爸仔囝〉描寫戰後經營五金店ê故事。