pinbahuw na yaki 奶奶的農作物（賽考利克泰雅語、英語對照繪本）

《奶奶的農作物》以童趣筆觸描繪泰雅農耕智慧，展現語言傳承與土地感恩的生命故事。

試閱

泰雅語版
maki qutux ryax, rasun saku ni yaki muw, musa beh qmazih. ru kyalun saku ni yaki maku mha,“aring sraral Tayal hiya ga minnaki sa rgyax, rgyax qaniy stama mqyanux na tayal.” kmal qu yaki mu mha, “uwah sqani!”pktay misu cikay pinbahuw na ita Tayal! qani hiya ga qabang, cipok saku ga wiwal mami mu, yasa qu sqthuy maku ru! qani ga ngahi lalu nya, smoya saku tmatah ngahi, baha hmswa sokan balay, ana ga pyuxun su maniq ga, si ryax tquci wah! ru qani ga sehuy lalu nya, qani qu niqun maku krryax uziy, sokan balay ay! qhpax balay niqun.qani ga qcyay, si thki qsya ru sbing balay niqun! qani ga trakis, payat qu kinryanan nya, te qutux ga baqu, skbalay nha qwaw. te sazing ga nwiwil son nha, tmami nha qulih ru syam qqsinuw. te cyugal ga hekil, skbalay nha hekil. te payat ga plhay, yani qu wiwal mami na tayal. qani ga tasiq layan ru talah layan, thkun ayang ga, blaq balay nbun ki! qani ga singut, spgluw kakay bzyok tmahuk ga, sklokah na hi ay. yani qu We’ kang na tayal son nha gaw! qani ga thkun, si thki qsya mhnuk balay niqun, plgan cikay quryup tmahuk ga, blaq balay niqun uziy! qani qu quyrup, blequn qmwax stmwan lga, blaq balay matan mami uziy! qani ga qusul(qinuw), blequn qmwax qu tunux nya ru stmwan cimu lga blaq balay niqun! qani ga kuku qcyan, hbengun ru plgan cikay hi syam tmahuk, yasa qu piyang balay na ramat tayal! topu lalu nya qani hiya, hbengun ru stmwan, pt’an btunux, qutux bingi sazing ryax lga, baqun maniq la. cingay balay qu pinbahuw na yaki mu. “nanu yasa bleqiy mlahang kwara rhiyal qani, aki si mbhuyaw ru mklabang ryax qnxan ta. ”