■ 簡介 過去是一場夢；過去的過去，敢是夢中之夢？這隻叫做Nanang的船仔欲共我載去啥物所在？總是，我會知影，毋過毋是這馬。這馬，我干焦知影愛決心對咱過去的悲傷講再會。He是一个無停底走揣啥物的過去，這馬，我干焦想欲保留hin內面歡喜的部份，就親像妳所向望的按呢，只是真無彩，我的決心傷ua`n，阿咱是無可能閣鬥陣矣。這是我的命運，咱的相遇只是風--nih的草籽，一下仔就飛散--去。我相信尚尾Nanang會tshua我去到我想欲去的所在，佇遐，會有我一直欲走揣的名。