■專輯簡介： 那些人: 蔡豋財,南吼小姐,毛貞燕,曾芷玲,李佳翰,蚵仔寮小漁村,謝銘祐,蔡宗昇,謝佳賢 with happy Friend 慢壘隊 風流 在詩經的體例中, 「風」指的是地方各國的民謠, 也就是民歌, 專輯取名「風流」解釋做是生活中的一般人, 毋是歌星抑是所謂的專業歌手, 也就是咱的厝邊隔壁所唱的歌；「風流」就是即堆人所集合起來的潮流, 素人之流, 又拄好攏來自南方, 所以又是南風之流! 謝銘祐「風流」 創作人總是用職業的想法來做音樂, 毋捌想過故事攏嘛來自咱生活的四周圍, 如果替遮人的故事寫歌, 我莫唱, 換怹來唱, 是毋是閣較有第一手的情緒會走入去歌內底, 閣較原始呢? 就焉爾, 風流即張專輯孵出來啊! 製作專輯過程中, 蚵仔寮的逐家啉完二箱”必魯”隨唱好, 將錄音室當做Pub, 南吼小組唱閣較緊, 但唱好閣欲唱, 將錄音室當做KTV…； 屎溝墘規家就妹妹上專業, 只是音準一直予老爸扭去, 5012柚子園的翰仔超緊張, 其實唱了非常有感情…；當然, 阮安平得好新婦小燕, 音準、情緒、個人風格…, 完全看會出來, 位國小二年就準備欲出到矣! 心適、感動、超出專業頭殼想會到的…, 即張專輯絕對毋是一張就會當收煞的, 對阮遮覕佇錄音室內底看世界的專業音樂人來講, 一張哪會有夠? ■曲目 1. 海灣 / 蔡登財 4:21 2. 南吼 / 南吼小組 3:57 3. 港口 / 毛貞燕 3:37 4. 土 / 吳其錚 4:25 5. 有寮 / 曾芷玲 4:49 6. 柚子 / 李佳翰 3:50 7. 蚵仔寮痟搖滾 / 蚵仔寮小漁村 3:58 8. 安平兮烏龍船長 / 謝銘祐 2:14 9. 我兜住佇屎溝墘 4:31 10. 快樂朋友隊 / 謝佳賢 with Happy Friend 慢壘隊 3:44 整張專輯時間長度： 39分04秒