編者:施炳華 藍淑貞 適合年齡 類型 台語/讀本 規格 平裝本 定價 每本500箍(每本冊附送四片CD) 這本冊 台語是佇台灣這塊土地誠濟人攏咧使用兮語言,毋過大多數兮人卻是會曉講勿會曉(1)寫,甚至即馬少年一輩兮連講嘛勿會曉講這兮咱祖先所留落來兮語言,致使kah4有斷層兮現象。佇這歸年來教育部大力推動九年一貫教育,針對著母語教學這方面嘛有加減重視,毋過長期以來教育體制兮思想對地方語言並無注重,所以這一波兮母語教學會使講是佇無順利兮情況之下來進行兮,未來台語是毋是會凍受到重視?執政單位是毋是會來落實?逐家攏毋敢把握,只有靠民間兮社會人士繼續來打拚,金安出版社佇這歸年來一直咧做ciah8兮(2)空khue3(3),親像這本【逐家來學台語】著誠適合予老師家長來做為囡仔母語教育兮冊,伊內面兮內容豐富,有唸謠、四句聯、囡仔詩、謎猜、笑話……等等,嘛有基本發音、拼音練習、語詞練習,每一單元嘛有課後兮考試,毋過佇課程兮設計卡屬於依聲韻學兮部分,所以卡適合高年級兮囡仔來學習,另外這本冊閣附送四片CD會凍予老師方便教學,嘛會凍予家長佇厝裡陪同囡仔來學習。 台文注譯 (1) 勿會曉---不會 (2) ciah8兮---這些 (3) 空khue3---工作