編著:許極墩 適合年齡 類型 台語 規格 平裝本 定價 每本250箍 這本冊 咱即馬(1)所講兮台灣話事實上已經佮漳州話、泉州話無共,有兮人講這是不漳不泉親像廈門話,毋過咱知影其實佮廈門話嘛有無共兮所在。佇日本人統治台灣兮時,制定了台灣十五音佮字母詳解,而且規定佇台灣兮官員攏愛會曉講台語,另外一方面長老教會一直以來著使用羅馬字寫台語傳教,所以佇hit4-當-時(2)台語亦無算失傳,後來又閣有歌仔冊佮戲曲兮流行,台語兮文學會使講有另外一番兮創作;佇戰後,大批ui3中國大陸來兮新住民施行國語教學,閣發生二二八事件,致使著整個兮台語教學發生了真大兮轉變,台灣人勿會使講家己(3)兮話,一直到即馬台語出現了斷層兮危機,少年一輩佇錯誤兮教育之下會使講無-sia1-人(4)會曉講台語,現主時(5)兮台語會使講是走向慢性自殺兮路線,中央政府猶原(6)無認清這兮情況,無誠意欲推動母語教育,佇今年度雖罔有招考母語教學支援人員,毋過卻是全面抵制母語教育實施,實在予人感覺真失望。許教授有感於台語文化所遭受兮困難,用盡誠濟心血研究台語,而且將研究兮結果收集出冊,向望(7)會凍予關心台語文化兮人一寡幫助,冊內有針對著常用語詞疑難漢字寫法兮部份亦向望會凍予逐家做參考。 台文注譯 (1) 即馬---現在 (2) hit4-當-時---當時 (3) 家己---自己 (4) 無-sia1-人---不太有人 (5) 現主時---現在 (6) 猶原---還是 (7) 向望---希望