編著:馮輝岳 適合年齡 類型 台語 規格 平裝本 定價 每本160箍 這本冊 【台灣童謠大家唸】內容包括國語童謠、閩南童謠、客家童謠、原住民童謠,會使(1)講是母語兒童唸謠大集合,唸謠會凍表現出當時社會兮環境,亦會凍表現兒童天真兮一面。 對著台灣教育兮演變,唸謠嘛按台語兮唸謠變做華語兮唸謠,客家佮原住民兮部份閣更加無普遍了。即馬有誠濟兮家長向望家己兮囝仔會凍捌足濟(2)語言,毋過卻是疏忽去指導囝仔捌(3)家己兮母語,馬市長捌(4)講過,母語兮教育是母親兮責任,不應該是政府來負責,雖然無毋對(5),毋過對著一兮已經欲消失兮母語,政府甘講(6)無需要付一點仔責任?整個社會兮教育是全民兮代誌,並毋是個人、家長、政府兮代誌,咱應該愛有這兮體認,如果咱後一代若閣會凍唸各種母語兮唸謠,這ciah8是咱兮向望。 台文註譯 (1) 會使---可以 (2) 足濟---很多 (3) 捌---知曉 (4) 捌---曾經 (5) 無毋對---沒有錯 (6) 甘講---難道